Aguah mbrue 30/12, Nguyễn Thiên Văn, K’iăng khua knơ̆ng bruă sang čư̆ êa čar Daklak, bi mklă leh hră mtrŭn mrô 12306 mơĭt kơ knơ̆ng bruă lŏ hma, knơ̆ng bruă duh mkra mnia mblei, knơ̆ng bruă mdrao mgŭn, kahan ksiêm car, lehanăn knơ̆ng bruă sang čư̆ êa ƀuôn prŏng Ƀuôn Ama Thuôt, brei bi mklă boh klei êtak čăt tram êa drao ruă ti čar Daklak, djŏ tuôm hŏng dŭm klei čih mơ̆ng VOV hŏng akŏ: “Êtak čăt tram mta êa drao kăm ti Daklak: Anôk bruă djŏ tuôm bi mplĕ klei soh hdơ̆ng găp”.

Leh kơ anăn, Knơ̆ng bruă sang čư̆ êa čar Daklak mtă kơ knơ̆ng bruă lŏ hma, kiă kriê, bi hgŭm hŏng dŭm anôk bruă djŏ tuôm msĕ si knơ̆ng bruă duh mkra mnia mblei, knơ̆ng bruă mdrao mgŭn, kahan ksiêm čar, knơ̆ng bruă sang čư̆ êa ƀuôn prŏng Ƀuôn Ama Thuôt lehanăn dŭm anôk bruă djŏ tuôm hâo mdah kơ dŭm boh tŭ dưn klei kiă kriê mnơ̆ng ƀơ̆ng doh, hŏng 6 anôk mkra mjing êtak čăt tram êa drao ruă (jing dŭm mta êa drao kăm amâo mâo dưi ba yua) bruă ksiêm, tui duah phŭn agha, hrui mă jih mnơ̆ng leh ngă soh lehanăn boh mơ̆ng klei mă bruă hlŏng truh ti mmông anei. Knơ̆ng bruă sang čư̆ êa čả Daklak mtă leh kơ dŭm anôk bruă djŏ tuôm mâo klei hâo mdah bi ênŭm dŭm anôk mâo leh hră tŭ yap djăp klei găl mkra mjing êtak čăt hlăm čar, lehanăn mâo dŭm hdră kiă kriê bi kjăp anôk mkra mjing êtak čăt hlăm wưng ti anăp./.