Siămdah ăt mâo dŭm klei dleh dlan dôk găn bi mâo hdră bi mlih. Truh kơ jih mlan 10, čar Daklak mrâo hrui prăk djă yua lăn mâo 1.364 êklai prăk, djăp 45,8% tĭng Êpul gơ̆ng bruă ƀuôn sang čar jao, hlăm gưl čar knŏng djăp 1,2% hdră kčah.

Mâo klei anei kyua hdră mă bruă ka bi sa hnơ̆ng. Khădah hdră bhiăn kơ lăn ala thŭn 2023 mâo boh tŭ dưn mơ̆ng hrue 1/7/2024 ƀiădah truh kơ ară anei, mâo dŭm hdră êlan djŏ tuôm hŏng hdră bhiăn lăn ala, msĕ si kơ bruă hrui prăk mưn yua lăn ka mâo hdră mtrŭn klă mngač ôh, lehanăn ka mâo mơh hră ktrâo atăt. Phạm Ngọc Nghị, Khua knơ̆ng bruă sang čư̆ êa čar Daklak mtă kơ dŭm anôk bruă djŏ tuôm hlăm čar bi ksiêm nik hră mtrŭn, lehanăn mâo hdră mghaih msir čiăng ruh mgaih klei dleh dlan. Jih jang bruă dôk hlăm klei dưi, čar gĭr srăng mghaih msir. Tơdah êgao kơ klei dưi, dŭm êpul bruă kăp kčĕ kơ čar lŏ mơĭt kơ gưl dlông./.