Hlue si Phạm Đăng Khoa, Khua Knơ̆ng bruă sang hră mtô bi hriăm čar Dak lak, leh 10 thŭn hlue ngă, hdră ruah hđeh sang hră adŭ 10 mâo lu klei kƀah leh anăn amâo lŏ djŏ guôp hŏng alŭ wăl. Ênoh hđeh sang hră đĭ hlăm grăp thŭn, ngă kơ kdrăp mnơ̆ng hriăm hră leh anăn nai mtô amâo djăp. 

Mbĭt anăn, hlue ngă hdră bruă mơ̆ng Knŭk kna kơ “Klei mtô bi hriăm mđing kơ bruă mă mbha hđeh sang hră gưl 3 wưng 2018 – 2025”  srăng mâo hlăm brô 70% hđeh sang hră hriăm jih gưl 2 lŏ hriăm gưl 3, ênoh adôk mâo ƀiă êdi 30% hđeh snag hră srăng hriăm hlăm dŭm anôk mtô bruă. Khădah snăn, ară anei ênoh anei adôk lu (hlăm brô 90% hđeh sang hră gưl 2 đĭ hriăm gưl 3). Kyua anăn, brei čar ksiêm dlăng kơ hdră bi lông mŭt hriăm adŭ 10 sang hră gưl 3 knŭk kna hrô kơ ksiêm ruah hlăm hră ksiêm dlăng hnơ̆ng hriăm gưl 2 msĕ si ară anei.