Dua tĭng bi tŭ ư hŏng dŭm boh tŭ dưn mâo, hlăm anăn mñă klă: Klei bi mguôp plah wah Knơ̆ng gĭt gai lĭng kahan knông lăn Việt Nam hŏng Anôk bruă kiă kriê klei đuê̆ dôk Campuchia dưi đru rơ̆ng kjăp klei êđăp ênang, mkŏ mjing klei găl kơ bruă găn êrô ti dŭm ƀăng jang knông lăn, đru mđĭ kyar bruă duh mkra ala ƀuôn, mđĭ klei bi mguôp, bi hgŭm, bi thâo săng plah wah bruă sang čư êa, mnuih ƀuôn sang leh anăn lĭng kahan 2 ala čar.

Hlăm klei blŭ hrăm, Trung tướng Lê Đức Thái, khua kiă kriê Knơ̆ng gĭt gai lĭng kahan knông lăn Việt Nam lač jăk kơ Anôk bruă kiă kriê klei đuê̆ dôk Campuchia mâo leh klei bi mguôp, đru dŏng mnuih Việt Nam lĕ hlăm klei arăng mplư găn knông lăn soh hŏng hdră bhiăn leh anăn ktư̆ kyua klei mă bruă ti dŭm anôk bruă soh hŏng hdră bhiăn ti Campuchia. Hlăm wưng kơ anăp, 2 tĭng lŏ dơ̆ng bi mguôp hlăm bruă gang mkhư̆ phung mŭt kbiă soh hŏng hdră bhiăn, hmao mâo klei hưn, bi rai dŭm klei čhĭ mnia mnuih, anôk bruă ktư juă mnuih mă bruă, mgaih msir jih hnơ̆ng boh klei anăn.