Kơiăng khua Anôk bruă kƀĭn ala Nguyễn Thị Thanh tĭng dlăng leh dŭm klei lông dlăng hlăm hdră bi hgŭm hŏng lu ala čar kñăm msir mghaih boh klei mâo hlăm tar rŏng lăn ară anei, mñă klă klei sa ai mơ̆ng Việt Nam hŏng hdră êlan lu tĭng, hlăm anăn mâo bruă klam phŭn mơ̆ng Êpul hgŭm lu ala čar hlăm hdră kriê dlăng klei gĭr tar rŏng lăn.

Hlăk Êpul hgŭm lu ala čar lehanăn Việt Nam hrăm mbĭt bi hdơr 80 thŭn hruê mkŏ mjing lehanăn mâo mă klei hnŭk êngiê hlăm thŭn 2025, kơiăng khua Anôk bruă kƀĭn ala ba mdah leh hdră msir kñăm mđĭ hĭn klei bi hgŭm plah wah dua tĭng ăt msĕ mơh mđĭ klei bhiăn bi hgŭm ti dŭm anôk bi kƀĭn kñăm hyuă kjăp hĭn klei bi mguôp plah wah Anôk bruă kƀĭn ala Việt Nam hŏng dŭm mta kñăm lehanăn hdră bruă prŏng mơ̆ng Êpul hgŭm lu ala čar, mtă lŏ dơ̆ng mjing lu klei găl čiăng kơ mnuih Việt Nam, hlăm anăn mâo phung mniê mŭt mă bruă ti anôk bruă mơ̆ng Êpul hgŭm lu ala čar./.