Dưi mkŏ mjing mơ̆ng mlan 7/1951, jing sang êa drao mâo bruă klam phŭn hlăm hdră dlăng kriê klei suaih pral mnuih ƀuôn sang hlăm krĭng dap lehanăn čư̆ čhiăng nah Dưr. Bi mni kơ dŭm boh tŭ mơ̆ng sang êa drao êbeh 70 thŭn mkŏ mkra lehanăn đĭ jing, Kơiăng khua anôk bruă kƀĭn ala mtă kơ phung khua kiă kriê, êpul nai êa mdrao lŏ dơ̆ng mđĭ lar knhuah hgŭm mguôp, mlih mrâo, mtrŭt mđĭ hdră ksiêm hriăm lehanăn ba yua kdrăp mrâo.

Mbĭt anăn, sang êa drao brei mđĭ hdră mlih mrô hlăm bruă kriê dlăng, ksiêm mkă klei ruă, mđĭ hnơ̆ng tŭ hdră mdrao mgŭn, mnuih ruă jing phŭn. Kơiăng khua anôk bruă kƀĭn ala ăt mñă kơ bruă klam mjuăt bi hriăm kơ gưl nah gŭ, đru bi hrŏ klei lu đei mnuih mdrao ti gưl dlông, mbĭt anăn ƀrư̆ mkŏ mkra sang êa drao jing anôk kriê dlăng klei suaih pral phŭn, mrâo mrang krĭng Dưr, răng kriê kjăp klei suaih pral mnuih ƀuôn sang./.