Kơiăng khua knŭk kna, Khua phŭn bruă Bùi Thanh Sơn mñă, Lao jing ala čar hgŭm mâo klei đua klam, kơhưm, klei blŭ, đru mguôp yuôm bhăn kơ hdră đĭ kyar hơĭt kjăp ti krĭng wăl mbĭt anăn mtrŭt mđĭ hdră bi hgŭm mơ̆ng ASEAN hŏng dŭm ƀĭng hgŭm, kyua klei êđăp ênang, hơĭt, đĭ kyar ti krĭng lehanăn tar rŏng lăn.

Mñă Việt Nam mđing tal êlâo kơ klei bi mjĕ Việt Nam – Lao; Kơiăng khua knŭk kna bi mni kơ hdră bi hgŭm bruă pui kmlă – êa pui plah wah Việt Nam – Lao hlăm wưng êgao ba wĭt leh boh tŭ dưn jăk siam, đĭ kyar nanao. Dua tĭng brei mtrŭt mđĭ hdră bi trông kơ bruă pui kmlă lehanăn êa pui, čiăng jing mta bruă mâo klei găl hlăm hdră bi hgŭm plah wah dua ala čar, Khua phŭn bruă Phosay Sayasone đăo knang dŭm hdră bi hgŭm anei srăng ba wĭt lu boh tŭ dưn hĭn hlăm wưng ti anăp./.