Mơ̆ng thŭn 2017 truh kơ ară anei, grăp thŭn Sang maĭ Alumin Nhân Cơ mkra leh 650.000 ton mnơ̆ng yuôm hlăm gŭ lăn, đru mguôp hlăm brô 500 êklai prăk hlăm ngăn prăk alŭ wăl lehanăn mjing bruă mă kơ êbeh 1 êbâo čô mnuih. Tĭng, wưng thŭn  2025-2029, srăng mđĭ truh 1,2 êklăk ton/thŭn, mbĭt anăn lŏ duh mkra sang maĭ mkra mjing ksueh hŏng hnơ̆ng grăp thŭn 500 êklăk ton.

Kơiăng khua knŭk kna Nguyễn Hòa Bình čih yap kơ dŭm boh tŭ Êpul grŭp dưi mâo hlăm hdră mkra mjing mnia mblei mbĭt anăn mtă kơ êpul grŭp lŏ bi hgŭm kjăp hŏng Anôk bruă sang čư̆ êa čar Dak Nông boh nik hlăm bruă msir mghaih klei kơ lăn ala mơ̆ng mnuih ƀuôn sang dôk hlăm krĭng hdră anei. Kơiăng khua knŭk kna ăt mñă klei yuôm bhăn mơ̆ng bruă mtrŭt mđĭ hdră mkra mjing hlăm bruă ksueh, mtă kơ Êpul grŭp lŏ mđĭ hdră duh bi liê, mđĭ boh tŭ yuôm mnơ̆ng mkra mơ̆ng ksueh, mơ̆ng anăn đru mguôp hlăm klei đĭ kyar hơĭt kjăp mơ̆ng anôk bruă anei./.