Kơiăng khua knŭk kna Nguyễn Hòa Bình nao čuă, mă bruă hŏng phung kahan C05
Thứ ba, 10:14, 04/02/2025
Pô mblang: H’Nêč Ênuôl
Pô mblang: H’Nêč Ênuôl
VOV4.Êđê - Hruê mbruê (3/2), hruê mă bruă tal êlâo mơ̆ng thŭn mrâo Ất Tỵ, Kơiăng khua knŭk kna Nguyễn Hòa Bình nao čuă, mă bruă hŏng phung knuă druh, lĭng kahan Knơ̆ng bruă kahan ksiêm bi kdơ̆ng, gang mkhư̆ phung ngă soh hlăm bruă wăl hdĭp mda C05
Ti knăm anei, Kơiăng khua knŭk kna Nguyễn Hoà Bình mñă, răng mgang wăl hdĭp mda jing bruă mjêč, jing tur knơ̆ng, mta phŭn bi mklă kơ hdră đĭ kyar hơĭt kjăp, jing boh phŭn yuôm bhăn hlăm bruă rơ̆ng kjăp klei êđăp ênang kơ anak mnuih, klei êđăp ênang bruă kđi čar, bruă ala ƀuôn, mâo Đảng, Knŭk kna mđing dlăng gĭt gai, bi mklă jing sa hlăm 3 mta phŭn mơ̆ng hdră mđĭ kyar hơĭt kjăp.
Kơiăng khua knŭk kna Nguyễn Hòa Bình mñă, thŭn 2025 đăo tĭng srăng mâo lu klei dleh dlan, bruă klam ktrŏ hĭn, kyua anăn Knơ̆ng bruă kahan ksiêm brei mđĭ hĭn bruă klam ba akŏ, nao êlâo hlăm bruă pŏk hluê ngă dŭm hdră êlan mtrŭn mơ̆ng Đảng, hdră bhiăn mơ̆ng Knŭk kna hlăm bruă răng mgang wăl hdĭp mda./.
Viết bình luận