Anei jing Klei bi kƀĭn tal êlâo lehanăn ăt jing klei bi kƀĭn phŭn mơ̆ng Lâm Đồng, dưi mkŏ online hŏng 123 ƀuôn hgŭm hlăm čar. Bruă Đảng ƀuôn hgŭm Đơn Dương dưi mkŏ mjing hluê hdră bi mŭt bruă Đảng să Dă Ron, Tu Tra lehanăn wăl krah Thạnh Mỹ, hŏng giăm 1.200 čô đảng viên. Klei kƀĭn bi trông lehanăn bi mklă leh hdră êlan, mta kñăm, bruă klam, hdră msir hlăm wưng păn bruă ti anăp, gĭr mkŏ mjing ƀuôn hgŭm Đơn Dương đĭ kyar kluôm, hơĭt kjăp.

Mta kñăm mâo hnư hrui wĭt kah knar grăp čô mnuih truh kơ knhal jih wưng păn bruă mâo giăm 100 êklăk prăk/thŭn, gŏ êsei ƀun dôk tigŭ 0,2%. Blŭ ti anôk bi kƀĭn, Kơiăng khua knŭk kna Nguyễn Hòa Bình mñă, hdră lui gưl kdriêk, bi mŭt dŭm să jing hdră prŏng mơ̆ng gưl dlông. Đơn Dương dôk ti anăp klei mlih mrâo, klei gal mâo.

Kơiăng khua knŭk kna đăo knang, bruă Đảng, bruă knŭk kna lehanăn mnuih ƀuôn sang dŭm djuê ana ƀuôn hgŭm Đơn Dương srăng hluê ngă tŭ dưn Hdră mtrŭn Klei bi kƀĭn, mkŏ mjing Đơn Dương jing sa gru mngač krĭng ƀuôn sang ênuk mrâo ti čar Lâm Đồng./.