Yap truh hrue 20/2/2025 kluôm čar Kon Tum mâo mkra leh truh 627 boh sang tĭ rưč, hlăm anăn mâo mdơ̆ng mrâo truh 508 boh sang lehanăn mkra wĭt truh 119 boh sang. Snăn mkă hŏng hrue kăm êlâo, lŏ mâo leh truh 105 gŏ sang dưi đru mkra sang hlăm čar Kon Tum.

Tui si anôk kiă kriê bruă đru rŭ mkra sang kjăp kơ mnuih ƀuôn sang tlaih mơ̆ng klei dôk hlăm sang tĭ rưč, bruă Đảng čar Kon Tum hưn kluôm čar mâo 2.752 boh sang sô hđăp tĭ rưč, čiăng lŏ mkra mrâo jing 2.186 boh sang lehanăn mkra wĭt 566 boh sang. Tlao kdriêk hlăm čar Kon Tum mâo ênoh sang tĭ rưč čiăng mdơ̆ng mrâo lehanăn mkra wĭt, mâo: Đăk Glei 646 boh sang, Kon Plông 572 boh sang lehanăn Tu Mơ Rông 423 boh sang. Čiăng pral mâo ngă bruă anei, bruă sang čư̆ êa čar Kon Tum iêo jak leh jih jang êpul êya, phung thâo bi đru mâo klei bi mkrum đru kơ bruă rŭ mdơ̆ng lehanăn mkra wĭt sang dôk kơ mnuih ƀuôn sang./.