Čiăng mprăp kơ gưl hiu duah, mƀĭn klang phung êngiă asei yan không thŭn anei, Anôk bruă lĭng kahan čar Kon Tum gĭt gai leh êpul K53 ksiêm dlăng, thâo 43 klei hâo hưn kơ msat phung êngiă asei ti dua ala čar anei. Mơ̆ng klei ksiêm dlăng, mâo klei hâo hưn djŏ năng ai klang phung êngiă asei.

Blŭ hrăm hlăm knăm ba lĭng kahan nao ngă bruă, Y Ngọc, Kơiăng Khua Knơ̆ng bruă sang čư̆ êa čar Kon Tum mtă kơ Anôk bruă gĭt gai lĭng kahan čar Kon Tum mđĭ gĭt gai Êpul K53 hlăm klei ngă bruă; ngă jăk bruă mtô kđi čar kơ phung knuă druh, lĭng kahan; mđĭ ai tiê bi hdŭm, đua klam, hlue ngă klei bhiăn lĭng kahan leh anăn hdră êlan mơ̆ng Đảng, hdră bhiăn tlâo ala čar Việt Nam-Lào-Campuchia. Dưi thâo yan không thŭn dih, Êpul K53 čar Kon Tum kƀĭn, ba kơ ala čar 16 klang phung êngiă asei ti Lào leh anăn Campuchia.