Blŭ hrăm hlăm knăm bi hdơr, Lê Ngọc Tuấn, Khua Knơ̆ng bruă Sang čư̆ êa čar Kon Tum čang hmăng êpul êya anôk bruă duh mkra, phung duh mkra lŏ dơ̆ng đru hlăm hdră mđĭ kyar mơ̆ng čar. Čar ƀuăn rơ̆ng mjing klei găl jăk hĭn, găl hĭn kơ êpul êya phung duh mkra bi liê, mđĭ kyar.

Hlăm knăm bi hdơr 20 thŭn hruê phung duh mkra Việt Nam 13/10 leh anăn êpul bi blŭ hrăm duh mkra tal 2 thŭn 2024, mđing kơ hdră bi lông “Hrăm mbĭt lăm lui sang tĭ, sang êjai” mơ̆ng čar Kon Tum pŏk ngă, 13 anôk bruă duh mkra leh anăn Êpul hgŭm duh mkra mda asei čar Kon Tum đru giăm 400 êklăk prăk. Gưl anei, Knơ̆ng bruă sang čư̆ êa čar Kon Tum mđup brei Hră pah mni kơ 27 anôk bruă duh mkra, phung duh mkra êdah êdi; 23 čô êdah êdi hlăm Êpul hgŭm phung duh mkra mda asei čar Kon Tum ktưn hưn mă Hră pah mni mơ̆ng Knơ̆ng bruă gưl dlông Êpul hgŭm phung duh mkra mda asei Việt Nam.