Krah yan không Lăn Dap Kngư, kdrăn lŏ hŏng ênhă êbeh 11 ha mơ̆ng mnuih ƀuôn samg alŭ Gia Xiêng, să Rờ Kơi, kdriêk Sa Thầy, čar Kon Tum ăt mtah siam mơ̆ng mdiê lŏ yan Puih- Mnga. Ayŏng A Thun, khua ƀuôn Gia Xiêng brei thâo, jih kdrăn lŏ yua êa krih hlăm phŭn êa mơ̆ng knơ̆ng kdơ̆ng êa Đăk Hlang. Čiăng mkhư̆ hŏng adiê không kƀah êa knŏng mâo sa hdră jing yua êa mkiêt mkriêm leh anăn tŭ dưn:

“Hlăm wưng anei kdrăn lŏ alŭ Gia Xiêng êa ăt djăp mơh. Kâo pô hlăm klei bi kƀĭn ƀuôn ăt hâo hưn mtô mblang kơ mnuih ƀuôn sang čiăng yua êa djŏ guôp. Brei ba êa hlăm lŏ djŏ guôp. Kâo pô khăng nao ksiêm dlăng mnuôr mđoh êa, iêô jak mnuih ƀuôn sang huai mđoh êa čiăng djăp êa hlăm yan Puih-Mnga anei.”

Ăt mbĭt hŏng bruă ba yua êa mkiêt mkriêm tŭ dưn, čiăng bi hrŏ klei luič liê hŏng ênhă mdiê lŏ yan Puih Mnga kyua kƀah êa wưng knhal tuč ngă, ti dŭm să msĕ si:

Sa Nghĩa, Sa Bình, Ya ly…kdriêk Sa Thầy dŭm êtuh gŏ êsei mnuih ƀuôn sang pla ktơr, hbei ƀlang, djam tam… hrô kơ yan mdiê lŏ amâo kjăp. Sang mâo 5 sào lŏ, Phan Lương, alŭ Hòa Bình, să Sa Nghiã brei thâo, msir mgaih klei kƀah êa kơ yan Puih-Mnga, dŭm thŭn anei ñu ba pla 3 sao ktơr, mâo boh tŭ dưn hĭn kơ ngă lŏ:

pla ktơr mkă hŏng ngă lŏ snăn amâo suăi ôh kyua ngă lŏ snăn grăp hruê nao dlăng nanao boh nik hlăm yan Puih- Mnga čiăng mâo êa. Bi ktơr 1-0 hruê kơh nao sa blư̆. Tal dua kriê dlăng jăk hĭn, ăt kăn mâo hluăt ƀơ̆ng mnơ̆ng ngă mơh. Si tô hmô hluăt, dŭm mta klei mnơ̆ng ngă ƀiă hĭn kơ mdiê.  Boh pioh čhĭ, arăng ngă mnơ̆ng ƀơ̆ng. Tal dua snăn čhĭ ana, 1000m2 anan mâo giăm 1 êklăk. Pla ktơr mkă hŏng pla mdiê snăn mâo prăk hrui wĭt lu hĭn dua blư̆.”

 Kdriêk Sa Thầy jing sa anôk phŭn khăng mâo adiê không ti čar Kon Tum, grăp thŭn truh wưng knhal jih yan không mâo klei kƀah êa kơ ana pla mjing, boh nik ênhă mdiê lŏ yan Puih-Mnga lŏ mâo.

Mâo thŭn adiê không sui, mnuih ƀuôn sang ti kdriêk luč dŭm pluh ha mdiê. Giả Tấn Đạt, Khua adŭ bruă lŏ hma leh anăn mđĭ kyar krĭng ƀuôn sang kdriêk Sa Thầy, brei thâo kyua hlue ngă hrăm mbĭt lu hdră msir mdrơ̆ng hŏng adiê không kƀah êa anăn kdriêk bi hrŏ leh klei luič liê hlăm bruă mkra mjing lŏ hma:

“Hŏng dŭm ênhă amâo mâo knơ̆ng kdơ̆ng êa dăp hruê mmông hnưm hĭn, boh nik pla ana ƀiă hruê. Dŭm krĭng amâo mâo êa ba kơ ana pla mjing msĕ si djam tam, ktơr leh anăn dŭm mta ana mkăn. Êngao anăn snăn hâo hưn, gĭt gai dŭm să, wăl krah kơ dŭm prăk yua kơ bruă lŏ hma čiăng huai mđoh mnuôr mđoh êa, mkhư̆ klei jhat rai knơ̆ng kdơ̆ng êa. Bi hgŭm hŏng Anôk bruă êa yua kơ lŏ hma čiăng mbha êa bi djŏ guôp leh anăn hâo hưn kơ mnuih ƀuôn sang yua êa mkiêt mkriêm./.