Mkŏ mjing hlăm dua hrue 2 mơ̆ng 20 - 21/9, Klei bi kƀĭn prŏng êpul hgŭm phung ngă lŏ hma čar Kon Tum tal IX, wưng păn bruă 2023 - 2028 bi mklă leh lu mta kñăm, kơ jih jang hdră êlan êpul hgŭm ngă bruă boh nik hlăm 5 thŭn tinăp.  Klei bi kƀĭn prŏng Êpul hgŭm phung ngă lŏ hma čar Kon Tum tal IX mâo 277 čô phung bi ala kơ êbeh 65.000 čô ƀĭng hgŭm hlăm čar. Wưng păn bruă 2023- 2028 Klei bi kƀĭn mâo bi mklă leh lu bruă yuôm bhăn, mkŏ mjing Êpul hgŭm phung ngă lŏ hma dŭm gưl hlăm čar hŏng klei kjăp.

Hâo hưn, mtrŭt mjhar mnuih ƀuôn sang mđĭ kyar bruă lŏ hma, mkŏ mkra krĭng ƀuôn sang mrâo, mđing răng mgang kơ klei dưi djŏ klei bhiăn kơ ƀĭng hgŭm, mđĭ bruă "Phung ngă lŏ hma bi ktưn duh mkra mbruă, thâo bi mguôp bi đru hdơ̆ng găp, mđĭ kyar hŏng klei kjăp”, lehanăn mâo klei mtrŭt mjhar “Bi mlih klei mĭn knhuah hdĭp hlăm mnuih djuê ƀiă, kpưn đĭ tlaih mơ̆ng klei dleh dlan”, đru bi rŭ mdơ̆ng čar Kontum đĭ kyar. Klei bi kƀĭn prŏng phung ngă lŏ hma čar Kon Tum tal IX, wưng thŭn 2023- 2028 ruah êpul khua kiă kriê mrâo mâo 32 čô mnuih. Nguyễn Quang Thủy djŏ ruah păn ngă khua kiă kriê êpul hgŭm phung ngă lŏ hma čar Kon Tum.