Kon Tum: bi mklă amâo djŏ boh sĭt bruă pla sâm Ngọc Linh
Thứ năm, 09:14, 05/01/2023
VOV Tây Nguyên
VOV Tây Nguyên
VOV4.Êđê - Aguah 4/1, klei hưn mơ̆ng Knơ̆ng bruă sang čư̆ êa kdriêk Tu Mơ Rông, čar Kon Tum, Võ Trung Mạnh, Khua Knơ̆ng bruă sang čư̆ êa kdriêk bi siñê hdră mtrŭn lăm lui Hră bi mklă bruă pla, yua Sâm Ngọc Linh kơ Knơ̆ng bruă kpiê Sâm Ngọc Linh.
Anei jing bruă ngă msir mgaih bruă bi mklă ka djŏ, kñăm răng mgang anăn knăl sâm Ngọc Linh. Hluê anăn, Knơ̆ng bruă sang čư̆ êa kdriêk Tu Mơ Rông bi mklă lăm lui Hră bi mklă pla leh anăn yua sâm mkăp kơ Knơ̆ng bruă kpiê Sâm Ngọc Linh hlăm hruê 30/5/2022.
Kyua mta phŭn bi mklă ka djŏ hŏng boh sĭt. Võ Trung Mạnh, Khua Knơ̆ng bruă sang čư̆ êa kdriêk Tu Mơ Rông brei thâo, K’iăng Khua Knơ̆ng bruă bi siñê Hră bi mklă mâo leh klei hưn mdah leh anăn tŭ klei ƀuah mkra. Knơ̆ng bruă sang čư̆ êa kdriêk Tu Mơ Rông hrui mă, lăm lui hră bi mklă amâo djŏ hŏng boh sĭt bruă pla Sâm Ngọc Linh mơ̆ng sa anôk bruă ti alŭ wăl čiăng mkra klei soh leh anăn răng mgang anăn knăl Sâm Ngọc Linh, răng mgang phung blei yua./.
Viết bình luận