Hlăm mmông mă bruă, khua gĭt gai čar Kon Tum mbĭt hŏng dŭm knơ̆ng dhar bruă hmư̆ leh lu klei hưn  djŏ tuôm hŏng klei dleh dlan, kpăk gun čiăng mgaih msir mơ̆ng êbeh 10 knơ̆ng bruă, lu hĭn hlăm bruă rŭ mjing sang măi bi êran pui kmlă leh anăn mă mnơ̆ng gŭ lăn.

Nguyễn Ngọc Sâm, K’iăng khua  bruă sang čư êa čar Kon Tum mâo klei wĭt lač, hlăk mblang mtam hŏng grăp boh klei. Bi hŏng dŭm klei hưn mdah ka dưi mgaih msir, k’iăng khua bruă sang čư êa čar Kon Tum jao kơ dŭm knơ̆ng, dhar bruă mbĭt hŏng đa đa kdriêk, ƀuôn prŏng kñăm đru kơ dŭm knơ̆ng bruă kơ hdră ngă, hră mơar čiăng ruh mgaih klei dleh dlan, kpăk gun leh anăn mâo wưng kčah klă klơ̆ng wĭt lač kơ knơ̆ng bruă.