Hluê anăn, dŭm knơ̆ng, dhar bruă djŏ tuôm lehanăn alŭ wăl mâo klei đua klam mđĭ hdră ksiêm dlăng bruă kriê dlăng, ba yua dŭm hdră mkăp êa doh kơ krĭng ƀuôn sang, mđing duh bi liê djŏ klei kčah mtrŭn; mkŏ mjing hdră ksiêm, tĭng dlăng hdră ngă bruă mơ̆ng jih anôk bruă; mâo hdră jao kriê dlăng kdrăp mnơ̆ng, kriê dlăng hdră ba yua kdrăp mkăp êa kơ êpul djŏ tuôm, kñăm rơ̆ng kjăp lehanăn mđĭ lar boh tŭ hdră mkăp êa; mtô mblang mđĭ klei thâo săng mơ̆ng mnuih ƀuôn sang kơ bruă ba yua êa mkiêt mkriêm, êđăp ênang, tŭ dưn; mđĭ klei thâo săng hlăm bruă răng mgang wăl hdĭp mda, răng mgang phŭn mkăp êa…

Čar Kon Tum mâo mta kñăm truh ti thŭn 2025 ƀiă êdi 50% ênoh mnuih krĭng ƀuôn sang dưi yua êa doh h’ĭt kjăp, êbeh 40% ênoh mnuih krĭng ƀuôn sang dưi yua êa doh mơ̆ng dŭm hdră mkăp êa kƀĭn sa anôk…