17 čô knuă druh čar Kon Tum mâo jao klei bi mklă mdei bruă êlâo kơ jih thŭn kkiêng mơ̆ng thŭn 1964 truh kơ thŭn 1971. Hlăm 17 čô mdei êlâo kơ jih thŭn mă bruă mâo Nguyễn Trung Hải, Khua Anôk bruă kiă kriê klei hâo hưn čar; Bùi Thái Trọng, Khua bruă Đảng dŭm anôk bruă duh mkra čar.

6 Khua knơ̆ng bruă mâo jao klei bi mklă mdei bruă êlâo kơ jih thŭn mâo: Ngô Việt Thành, Khua knơ̆ng bruă Hdră kčah – Duh bi liê, Nguyễn Văn Lân,  Khua knơ̆ng bruă ksiêm dlăng bruă knuă hlăm ala čar; Nguyễn Văn Lộc, Khua knơ̆ng bruă Ngăn dŏ wăl hdĭp mda; Nguyễn Quang Hải, Khua knơ̆ng bruă rŭ mdơ̆ng; Bùi Thanh Bình, Khua knơ̆ng bruă kreh knhâo kdrăp mrâo; A Kang, Khua knơ̆ng bruă mnuih ngă bruă, Kahan êka êkeh yang ƀuôn. Mbĭt anăn, mâo 9 čô Kơiăng khua knơ̆ng bruă lehanăn Kơiăng khua adŭ bruă mơ̆ng Kon Tum ăt jao klei bi mklă mdei bruă êlâo kơ jih thŭn./.