Hdră ngă guê gang êa lip lêč, klưh hrŏ ti dŭm ƀuôn mnuih djuê ƀiă ktuê krông Đăk Bla ti ƀuôn prŏng Kon Tum mâo boh taih êbeh 4,4 km. Ngă bruă mơ̆ng mlan 9 thŭn dih, mĭn tĭng mlan 9 thŭn anei bi leh, ƀiădah truh kơ ară anei knŏng mâo ngă mă 18% hdră kčah. Kluôm ênoh duh bi liê kơ hdră anei êbeh 200 êklai prăk, ƀiădah truh kơ ară anei, knŏng mâo ngă bruă hŏng ênoh prăk êbeh 60 êklai prăk.

Anei jing hdră kñăm mơ̆ng čar, kyuanăn thŭn 2023 dưi dăp djăp ngăn prăk mơ̆ng gưl dlông, leh anăn brei bi kdung ngă bruă leh anăn brei čan truh hruê 31/12/2024. Ƀiădah hdră anei dleh dưi leh kyua kpăk hlăm bruă ruh mgaih anôk ala. Mbĭt hŏng hdră anăn lŏ mâo lu hdră kñăm ti čar Kon Tum ăt arưp aram êmưt hŏng hdră kčah, amâo dưi brei čan duh bi liê djŏ hŏng hdră kčah.