Ti anăp klei tlĕ kyâo knư̆ hrue knư̆ hŏng klei mnêč jhat, lehanăn klei pui ƀơ̆ng dliê hlăm yan bhang không, snăn mơ̆ng akŏ mlan 3 truh ară anei, Knơ̆ng bruă sang čư̆ êa čar Kon Tum hrue 17/3 mtă leh kơ dŭmknơ̆ng dhar bruă, alŭ wăl mâo klei kiă kriê kjăp hĭn bruă răng mgang dliê, gang mkhư̆ klei pui ƀơ̆ng. Hlue anăn, Knơ̆ng bruă sang čư̆ êa čar Kon Tum mtă kơ knơ̆ng bruă lŏ hma mkŏ mjing dŭm êpul bruă nao ksiêm, kiă kriê răng mgang dliê, gang mkhư̆ klei pui ƀơ̆ng dliê ti dŭm alŭ wăl, mtă mtăn ktrâo atăt djăp êpul êya mđĭ hĭng bruă răng mgang.

Hŏng knơ̆ng bruă sang čư̆ êa dŭm kdriêk, ƀuôn prŏng phung khua dliê, lehanăn dŭm êpul bruă djŏ tuôm mkŏ mjing bi kjăp bruă răng mgang dliê, mâo klei hiu suang lu hĭn, ksiêm hlăm djăp čuê dliê, boh nik hlăm dŭm đang dliê jing anôk thu krô ênưih lĕ hlăm klei pui ƀơ̆ng, lehanăn pral thâo ƀuh mghaih msir mtam mơ̆ng phŭn mâo klei pui ƀơ̆ng...