Kon Tum mđĭ hdră gak răng huĭ mâo klei pui ƀơ̆ng dliê hlăm yan bhang thu krô
Thứ bảy, 10:02, 08/03/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê - Čar Kon Tum mŭt hlăm wưng yan bhang thu krô hŏng klei huĭ srăng bluh mâo klei pui ƀơ̆ng dliê hŏng dŭm êtuh êbâo ha dliê.
Ti anăp klei anei, êpul djŏ tuôm mơ̆ng čar dôk mđĭ hdră gak răng dliê. Hluê si klei hưn mơ̆ng Knơ̆ng bruă ksiêm dlăng dliê kmrơ̆ng čar Kon Tum brei thâo, alŭ wăl dŭm kdriêk: Ia H'Drai, Sa Thầy, Đăk Tô, Ngọc Hồi, Đăk Hà, Kon Braih, Đăk Glei, Tu Mơ Rông lehanăn ƀuôn prŏng Kon Tum mđĭ leh klei hưn brei răng kơ klei pui ƀơ̆ng dliê jing gưl V, gưl huĭ hyưt huĭ srăng mâo klei pui ƀơ̆ng dliê.
Nguyễn Văn Nam, Khua knơ̆ng ksiêm dlăng dliê kmrơ̆ng čar Kon Tum brei thâo, čiăng gang mkhư̆ klei pui ƀơ̆ng dliê, 14 êpul êya pô dliê, 7 anôk bruă, 7 anôk kriê dlăng dliê mbĭt hŏng bruă sang čư̆ êa 10 kdriêk, ƀuôn prŏng hlăm čar mđĭ leh hdră gak răng, kriê dlăng mnuih mŭt kbiă hlăm dliê čiăng gang mkhư̆ klei pui ƀơ̆ng dliê./.
Viết bình luận