Knăm mơak hŏng hdră đru kčĕ sa anôk leh anăn online, đru kơ hđeh sang hră tă bruă hriăm, mbha hđeh sang hră djŏ guôp hŏng klei thâo mdê mdê, klei găl bruă duh mkra gŏ sang leh anăn klei čiăng mă bruă mơ̆ng ala ƀuôn. Êngao anăn, hđeh sang hră lŏ hmư̆ klei ktrâo lač ruah bruă hriăm leh anăn bi leh hră mơar ksiêm ruah.

Hlăm mmông đru kčĕ, lu anôk bruă mtô bi hriăm leh anăn anôk bruă duh mkra hlăm čar leh anăn êngao čar hưn mthâo leh klei hâo hưn kơ bruă hriăm, hnơ̆ng mtô bi hriăm leh anăn klei găl bruă mă leh ruĕ hriăm. Bruă anei đru yuôm bhăn hlăm klei đru hđeh sang hră ruah djŏ êlan, bi hrŏ klei ktrŏ hlăm klei bi lông hriăm gưl prŏng leh anăn pŏk mlar klei găl duah bruă knuă hơĭt kjăp.