Trương Thị Ngọc Ánh, K’iăng Khua Knơ̆ng bruă mặt trận čar kwar Việt Nam nao leh anăn blŭ hrăm hlăm Knăm mơak. Jing alŭ wăl hdră bruă, mta phŭn kơ klei êđăp ênang mơ̆ng čar Kon Tum, kdriêk Đăk Hà mâo ênhă êbeh 84.500ha hŏng mnuih ƀuôn sang êbeh 87 êbâo čô leh anăn mâo 18 djuê ana hdĭp mda. Thâo săng hnơ̆ng yuôm bhăn mơ̆ng bruă mkŏ mjing hdră jih jang mnuih ƀuôn sang răng mgang klei êđăp ênang čar kwar jing đru rơ̆ng klei êđăp ênang, pioh kơ bruă mđĭ kyar bruă duh mkra, dhar kreh, ala ƀuôn mơ̆ng alŭ wăl, hlăm wưng êgao kdriêk Đăk Hà mkŏ mjing 188 klei hâo hưn mtô mblang kơ hdră jih jang mnuih ƀuôn sang răng mgang čar kwar kơ êbeh 37.400 gưl čô.

Trương Thị Ngọc Ánh, K’iăng Khua Knơ̆ng bruă mặt trận čar kwar Việt Nam mtă kơ bruă sang čư̆ êa, êpul bruă djŏ tuôm, êpul hgŭm dŭm gưl kdriêk Đăk Hà, čar Kon Tum lŏ dơ̆ng mđĭ ktang hĭn Hdră jih jang mnuih ƀuôn sang răng mgang klei êđăp ênang čar kwar. Čiăng kơ hdră jih jang mnuih ƀuôn sang ƀrư̆ hruê êlam hĭn, jăk hĭn leh anăn klă sĭt hĭn./.