Blŭ hlăm knăm anăn, aduôn Y Ngọc, k’iăng khua bruă sang čư êa čar Kon Tum, Khua êpul gĭt gai klei myơr êrah mñă klă, bruă myơr êrah hlăm čar hlăm dŭm thŭn êgao mâo klei đru mguôp yuôm bhăn hlăm bruă kriê dlăng klei suaih pral kơ mnuih ƀuôn sang.

Knŏng ti thŭn 2022, čar Kon Tum dưi mkŏ mjing 34 gưl myơr êrah, tŭ mă êbeh 6.800 hnơ̆ng êrah, mâo êbeh 136% mkă hŏng hdră kčah mơ̆ng Êpul gĭt gai ala čar kơ bruă myơr êrah jao leh. Hlăm Knăm pah mni phung myơr êrah êdah êdi thŭn 2022, Êpul gĭt gai klei myơr êrah čar Kon Tum mđup brei leh pŏk mdhă pah mni kơ 136 čô leh anăn 11 gŏ sang mâo bruă ngă tŭ dưn hlăm klei myơr êrah, mđup brei hră pah mni kơ 22 čô leh anăn 20 êpul mâo bruă tŭ dưn hlăm klei myơr êrah.