Kyua hmăi mơ̆ng angĭn êbŭ mơ̆ng ksĭ Ngŏ, mơ̆ng aguah mbruê 25/9, ti čar Kon Tum mâo hjan prŏng. Bi mdrơ̆ng hŏng angĭn êbŭ đăo tĭng srăng ngă truh klei hjăn prŏng hlăm dŭm hruê kơ anăp, bruă sang čư êa dŭm gưl čar KonTum čŏng hluê ngă dŭm hdră êlan gang mkhư̆ klei hjăn hlĭm leh anăn klưh hroh lăn. Ti dŭm kdriêk srăng mâo klei hmăi klă anăp mâo: Kon Plông, Tu Mơ Rông leh anăn Đăk Glei, bruă sang čư êa čar Kon Tum gĭt gai dŭm anôk bruă ti alŭ wăl mjêč hluê ngă dŭm hdră êlan gang mkhư̆ klei hjan hlĭm leh anăn klưh hroh lăn.

Bi hŏng krĭng mnuih ƀuôn sang ktuê hang krông, hnoh êa, anôk tlung, mâo klei arưp aram êa lip lêč, klưh hroh lăn mprăp dŭm hdră êlan čŏng mbĕ mđuê̆ tơdah mâo klei truh tam mâo. Dăp êpul ksiêm dlăng, mtô hlăm êlan klông ti dŭm anôk êa lip êlam, êa êtăng. Dăp mnuih mă bruă, êdeh êdâo mgaih msir klei truh, rơ̆ng klei hơĭt hlăm êlan klông dŭm êlan dơ̆ng phŭn êjai mâo hjan prŏng.