Nao hlăm bruă anei mâo êbeh 300 čô êdam êra. Phung mda asei dua boh čar Kon Tum lehanăn Lâm Đồng mkŏ mjing leh lu bruă ngă msĕ si: Mđup brei mnơ̆ng kơ lĭng kahan răng mgang knông lăn ti kđông Đăk Xú; mđup brei truh 20 hnư prăk đru hriăm hră mơar, kđô kdŭng kơ hđeh hriăm hră, lehanăn gŏ sang mâo klei hdĭp dleh dlan, đru prăk rŭ mkra dŭm anôk bruă kơ êdam êra kuič mngač knông lăn, mđup brei 1 êbâo blah hla čhiăm gru kơ mnuih ƀuôn sang, mkă dlăng mdrao mgŭn lehanăn mbha êa drao amâo mâo mă prăk ôh kơ 300 gưl čô mnuih, mkŏ mjing hiu suang, bi mdoh, jah waih jŭm gơ̆ng knông lăn 3 ala čar.

Hdră mlan 3 knông lăn đru kơ bi krŭ ai tiê phung êdam êra hlăm krĭng knông lăn, krĭng taih kbưi, đru mđĭ kyar bruă duh mkra ala ƀuôn, mkŏ mkra krĭng ƀuôn sang mrâo./.