Krông Pač, Daklak pral jao anôk ala pioh mkra êlan dơ̆ng pral Khánh Hòa – Buôn Ma Thuột
Thứ ba, 00:00, 12/09/2023
VOV Tây Nguyên
VOV Tây Nguyên
VOV4.Êđê- Kdriêk Krông Pač, čar Daklak hlăk ruh mgaih anôk ala hŏng klei mjêč, kñăm čiăng pral mâo jao anôk ala pioh kơ bruă mkra êlan dơ̆ng pral Khánh Hòa – Buôn Ma Thuột.
Truh ti wưng anei, kdriêk Krông Pač mâo ruh mgaih lehanăn ba jao leh kơ dŭm anôk bruă rŭ mkra êlan klông truh 161 ha, jing knar hŏng 76%, ênha mâo jao jing prŏng hĭn leh mkă hŏng dŭm kdriêk adôk mâo anôk tă pioh mkra êlan.
Ngô Thị Minh Trinh – K’iăng khua knơ̆ng bruă sang čư̆ êa kdriêk Krông Pač lač, čiăng bi pral jao anôk ala djŏ hŏng wưng kčah, snăn klei bi ngă hră mơar, klei bhiăn ngă bruă bi hlue ngă djŏ hŏng hdră mtrŭn, amâo mâo klei bi kčŭt ôh. Bruă mkra êlan dơ̆ng pral Khánh Hòa – Buôn Ma Thuôt găn dua boh čar Daklak lehanăn Khánh Hòa, hŏng boh taih êbeh 117 km, hlăm anăn mâo Daklak mâo 85 km, găn hlăm dŭm kdriêk MDrak, Krông Bông, Ea Kar, Cư Kuiñ lehanăn Krông Pač.
Viết bình luận