Hluê anăn, Kơiăng khua knŭk kna Trần Hồng Hà jao kơ Phŭn bruă Êlan klông dŭ mdiăng gĭt gai, bi hgŭm hŏng Phŭn bruă Hdră kčah lehanăn Duh bi liê mbĭt hŏng dŭm anôk bruă djŏ tuôm ksiêm dlăng klei ba mdah mơ̆ng Anôk bruă sang cư̆ êa čar Khánh Hòa,m čar Lâm Đồng hưn hŏng Khua knŭk kna êlâo kơ hruê 30/10/2024.

Khua kiă kriê 2 čar tŭ ư hŏng Khua knŭk kna jao kơ Anôk bruă sang čư̆ êa čar Khánh hòa ngă anôk bruă mâo klei dưi bi mklă Hdră bruă PPP duh mkra êlan êran pral Nha Trang – Đà Lạt. Hdră anei mâo boh taih dlông êbeh 80 km, hlăm anăn kdrêč găn Khánh Hòa 44km, găn Lâm Đồng 36,8 km. Hdră anei mâo ênoh duh hlăm brô 25 êbâo êklai prăk. Wưng hlue ngă mơ̆ng thŭn 2024 truh kơ thŭn 2028. Hdră anei mkŏ 2 anôk hiu čhưn ênguê prŏng Nha Trang – Đà Lạt  srăng mtrŭt mđĭ hdră bi hgŭm krĭng, mđĭ kyar bruă duh mkra, rơ̆ng kjăp klei êđăp ênang./.