Êlan dơ̆ng êran pral Bảo Lộc – Liên Khương mâo boh taih giăm 74km, mkŏ ƀuôn prŏng Bảo Lộc hŏng ƀuôn prŏng Đà Lạt, găn dŭm kdriêk Bảo Lâm, Di Linh leh anăn Đức Trọng mơ̆ng čar Lâm Đồng. Hlăm ênoh êbeh 17.700 êklai prăk dih bi liê, mâo êbeh 7.600 êklai prăk mơ̆ng ngăn prăk knŭk kna, bi adôk mơ̆ng pô duh bi liê iêo mkrum. Hdră anei mơ̆ng knơ̆ng bruă duh bi liê Êpul grup Phương Trang – Futa Group bi ala kơ êpul hgŭm phung duh bi liê.

Ti êlan mâo jih jang 51 bĭt kban, hlăm anăn mâo 13 bĭy kban ti êlan phŭn, 35 bĭt kban găn êlan dơ̆ng êran pral leh anăn 3 bĭt kban mkŏ êlan dơ̆ng. Hlăm klei bi klă, Trần Hồng Thái, khua bruă sang čư̆ êa čar Lâm Đồng mñă kơ dŭm knơ̆ng, dhar bruă, dŭm anôk bruă djŏ tuôm mâo bruă klam mkŏ mjing hluê ngă, mtô, bi mguôp, ksiêm dlăng bruă hluê ngă hdră djŏ hŏng hdră bhiăn lăn čar. Mbĭt anăn mjêč mkŏ mjing dŭm anôk dôk mrâo, ngă klei tla hnô, ruh mgaih anôk ala čiăng mphŭn rŭ mjing êlan hlăm wưng kơ anăp.