Lâm Đồng bi liê êbeh 550 êklai prăk pŏk mlar kčŭn čư̆ Prenn
Thứ bảy, 08:31, 11/02/2023
VOV TAYNGUYEN
VOV TAYNGUYEN
VOV4.Êđê- Aguah 10/2, Knơ̆ng bruă sang čư̆ êa čar Lâm Đồng mkŏ mjing knăm mphŭn rŭ mdơ̆ng Hdră bruă mđĭ, pŏk mlar kčŭn čư̆ Pren. Anei jing ktuê êlan yuôm bhăn mkŏ hŏng êlan dơ̆ng êran pral Dầu Giây – Liên Khương, jing êlan phŭn nao ti ƀuôn prŏng Đà Lạt.
Hdră bruă mkra mđĭ, pŏk mlar êlan Prenn Đà Lạt jing hdră bruă êlan klông gưl III krĭng čư̆ čhiăng, mâo boh dlông 7,4 km. hnơ̆ng prŏng 4 grông êlan, tur êlan prŏng 15,5m leh anăn boh prŏng 14,5 m. Hdră bruă mâo hnơ̆ng bi liê 553 êklai prăk mơ̆ng prăk knŭk kna čar. Wưng hlue ngă hdră bruă jing 11 mlan, jing bi leh êlâo kơ hruê 31/12/2023.
Blŭ hrăm hlăm knăm mphŭn ru mdơ̆ng, Trần Văn Hiệp, Khua Knơ̆ng bruă sang čư̆ êa čar Lâm Đồng brei thâo, bruă bi liê mđĭ êlan Prenn jing čiăng snăk, mjêč leh anăn mâo hnơ̆ng hdră bruă, êdah kdlưn kơ klei mđĭ kyar êlan klông ti čar Lâm Đồng; brei rŭ mkra, ktuê dlăng bruă mkŏ mjing hdră bruă rơ̆ng hnơ̆ng jăk, rơ̆ng êđăp ênang hlăm bruă mnuih mă bruă leh anăn bi doh wăl hdĭp mda.
Viết bình luận