Truh mmong anei, ênoh prăk bi liê kơ dŭm gru hmô hiu čhưn ênguê lŏ hma čar Lâm Đồng hlăm brô 377 êklai prăk, hlăm êngă êbeh 3 êtuh ha. Hlăm anăn, mâo 212 lăn lŏ hma, 9ha lăn rŭ mdơ̆ng, adôk jing ênhă lăn mkăn.

Klei bi kƀĭn bi mklă, Lâm Đồng mđĭ lar leh klei ktang, klei găl leh anăn klei mâo kơ lŏ hma čiăng ba yua boh tŭ mnơ̆ng čŏng mâo mjing mnơ̆ng dhơ̆ng mrâo pioh kơ bruă hiu čhưn ênguê, mjing thiăm prăk hrui wĭt, msir mgaih bruă mă leh anăn hưn mdah mnơ̆ng dhơ̆ng lŏ hma mơ̆ng alŭ wăl. Khădah snăn, hlăm hdră pŏk ngă mâo lu klei êdu kƀah leh anăn dleh dlan brei dưi msir hnưm msĕ si kơ hră mơar, dŭm bruă kơ hnơ̆ng kčah rŭ mdơ̆ng, čuăl mkă yua lăn, čuăl mkă rŭ mdơ̆ng, bi mlih yua lăn lŏ hma jing lăn amâo djŏ lŏ hma… ăt tuôm hŏng lu klei mtŭk mtŭl, bi tŭ ư pŏk ngă./.