Lâm Đồng gĭr rŭ mkra hdră êlan êran pral Đà Lạt - Ƀuôn prŏng Hồ Chí Minh
Thứ tư, 13:25, 26/02/2025
Pô mblang: H’Nêč Êñuôl/VOV
Pô mblang: H’Nêč Êñuôl/VOV
VOV4.Êđê - Čar Lâm Đồng dôk mjêč ruh mtlaih dŭm klei dleh dlan, gun kpăk, gĭr rŭ mdơ̆ng 2 hdră êlan êran pral, kdrêč Tân Phú - Bảo Lộc lehanăn Bảo Lộc - Liên Khương, mkŏ Đà Lạt hŏng Ƀuôn prŏng Hồ Chí Minh êlâo kơ hruê 30/4 ti anăp.
Dua hdră anei mâo boh prŏng taih 200 km, ngă leh srăng mkŏ ƀuôn prŏng Đà Lạt (Lâm Đồng) hŏng Ƀuôn prŏng Hồ Chí Minh lehanăn dŭm čar Ngŏ kwar Dhŭng.
Dua hdră anei dôk tlă anăp hŏng dŭm klei gun kpăk msĕ si ênoh duh bi liê lu ngă kơ wưng dưi tĭng tla jih ênoh anei sui, êbeh 20 thŭn, bi hrŏ klei tluh tluñ mơ̆ng hdră anei hŏng phung duh bi liê lehanăn dŭm êpul brei čan prăk, boh nik jing dŭm hdră duh bi liê hluê knŭk kna – êngao knŭk kna. Kơiăng khua Anôk kriê dlăng hdră êlan klông čar Lâm Đồng Võ Ngọc Phát brei thâo, ară anei êpul êya mâo klei dưi dôk mđing ruh mtlaih, ba mdah dŭm hdră msir čiăng hnưm ngă leh hră mơar čiăng kơ dŭm ktuê êlan anei dưi rŭ mkra êlâo kơ hruê 30/4 ti anăp./.
Viết bình luận