Mta kñăm mjing čar jing mđĭ klei thâo klei blŭ ala tač êngao, mkăp kơ klei čiăng hriăm, blŭ hrăm, mă bruă, mjĕ klei thâo, ba yua kdrăp mrâo lehanăn ñŭ kma hŏng tač êngao, mbĭt anăn đru mđĭ klei thâo mnuih mă bruă, mkăp klei găl kơ hdră hiu čhưn ênguê, bruă lŏ hma yua kdrăp mrâo lehanăn bi hgŭm hŏng ala tač êngao. Hŏng hdră mtô bi hriăm phung hđeh, čar srăng ksiêm dlăng klei čiăng hriăm klei Angle, klei Prăng mbĭt anăn pŏk hdră mtô klei Campuchia, boh nik ti dŭm să knông lăn.

Tĭng, wưng tal êlâo srăng mtô ti 2 sang hră gưl 2, truh 15% ênoh sang hră ti krĭng anei. Bruă lông mtô klei Campuchia ti dŭm să knông lăn amâo djŏ knŏng đru mđĭ hnơ̆ng tŭ hdră mtô klei ala tač êngao, ƀiădah lŏ mđĭ hdră mjĕ mjuk mnuih ƀuôn sang, mtrŭt mđĭ kyar bruă duh mkra – ala ƀuôn, rơ̆ng kjăp hdră lĭng kahan – răng mgang klei êđăp ênang, djŏ hŏng hdră êlan ñŭ kma lehanăn mđĭ kyar kjăp mơ̆ng čar Lâm Đồng hlăm wưng mrâo./.