Lâm Đồng mđĭ ktang bruă ksiêm dlăng bruă mnia blei êa săng, êa pui
Thứ tư, 10:02, 15/03/2023
VOV TAYNGUYEN
VOV TAYNGUYEN
VOV4.Êđê- Hruê 14/3, Knơ̆ng bruă sang čư̆ êa čar Lâm Đồng mâo hdră mtrŭn mkŏ mjing Êpul ksiêm dlăng bruă dŭ mdiăng, ba čhĭ êa săng, êa pui kñăm mđĭ bruă gang mkhư̆ klei mnia blei, bi kdơ̆ng luč liê jia.
Hlue anăn, Êpul ksiêm dlăng mlir dhar bruă mơ̆ng čar Lâm Đồng dưi brei mdei yua hdră dŭ mdiăng êa xăng êa pui hlăm dŭm ktuê êlan hlăm čar čiăng ksiêm dlăng. Leh ƀuh amâodah đing mâo klei ngă soh hdră bhiăn, êpul ksiêm dlăng dưi brei ba êdeh êdâo leh anăn mnơ̆ng dhơ̆ng kơ Anôk bruă jia giăm hĭn čiăng ngă dŭm hdră bruă djŏ tuôm, bi mklă hră mơar đŭ hŏng prăk.
Êpul ksiêm dlăng srăng ngă bruă jih hruê mlam, wưng holue ngă bruă klam yap mơ̆ng hruê 1/4 truh jih mlan 12 thŭn 2023. Lâm Đồng ară anei mâo êbeh 330 sang čhĭ mnia êa săng êa pui mơ̆ng 220 anôk bruă mnia blei dôk ngă bruă./.
Viết bình luận