Giăm 250 čô bi ala kơ êbeh 65 êbâo čô đoàn viên công đoàn hlăm čar Lâm Đồng hgŭm. Khădah tlă anăp hŏng lu klei dleh dlan kyua hmăi mơ̆ng klei ruă Covid 19, ƀiădah dŭm gưl bruă čông đoàn čar Lâm Đồng gĭr hluê ngă tŭ dưn dŭm bruă klam, hdră msir, bi leh mta kñăm Klei bi kƀĭn tal IX bruă Čông đoàn čar kčah mtrŭn.

Hlăm anăn, êdah êdi jing ngă jăk bruă klam bi ala, mđing dlăng kriê, răng mgang klei tŭ dưi djŏ hdră bhiăn mơ̆ng phung knuă druh, mnuih mă bruă. Klă klơ̆ng, mâo leh giăm 79.000 čô mnuih mă bruă mâo čuă êmuh, mđup brei mnơ̆ng hluê hdră “Têt kuh kŭm ênŭm ênap”; 46.500 čô mnuih dưi blei, ba yua mnơ̆ng dhơ̆ng mơ̆ng 85 anôk bruă duh mkra hŏng ênoh găl ênuiwh; đru rŭ mdơ̆ng, mkra mđĭ 118 boh sang kơ phung đoàn viên, mnuih mă bruă mâo klei hdĭp dleh dlan... Klei bi kƀĭn ruah leh Anôk kriê dlăng Êpul hgŭm mnuih mă bruă čar Lâm Đông tal X, wưng 2023 – 2028 mâo 32 čô.