Klă klơ̆ng, mkŏ mjing Knơ̆ng ksiêm dlăng mnuih mă bruă čar Lâm Đồng hluê hdră bi mŭt Knơ̆ng bruă Mnuih ngă bruă – kahan êka êkeh – yang ƀuôn lehanăn Knơ̆ng ksiêm dlăng bruă knuă; mkŏ mjing Knơ̆ng bruă Kreh knhâo – kdrăp mrâo čar Lâm Đồng hluê hdră bi mŭt mbĭt Knơ̆ng bruă Kreh knhâo – kdrăp mrâo lehanăn Knơ̆ng bruă Hâo hưn – mtô mblang; mkŏ mjing Knơ̆ng bruă Rŭ mdơ̆ng čar Lâm Đồng hluê hdră bi mŭt Knơ̆ng bruă Êlan klông dŭ mdiăng hŏng Knơ̆ng bruă Rŭ mdơ̆ng; mkŏ mjing Knơ̆ng bruă Ngăn prăk čar Lâm Đồng hluê hdră bi mŭt Knơ̆ng bruă Hdră kčah – Duh bi liê hŏng Knơ̆ng bruă Ngăn prăk; mkŏ mjing Knơ̆ng bruă Lŏ hma mđĭ kyar krĭng ƀuôn sang čar Lâm Đồng hluê hdră bi mŭt Knơ̆ng bruă Lŏ hma mđĭ kyar krĭng ƀuôn sang hŏng Knơ̆ng bruă Ngăn dŏ wăl hdĭp mda; mkŏ mjing Knơ̆ng bruă Djuê ana – klei đăo hluê hdră Anôk bruă Djuê ana lŏ tŭ mă klei đua klam, hdră kriê dlăng bruă klei đăo mơ̆ng Knơ̆ng kriê dlăng mnuih mă bruă.

Dŭm dhar bruă mrâo srăng klă klơ̆ng mŭt ngă bruă mơ̆ng hruê 1/3/2025. Ăt ti anôk bi kƀĭn, Êpul gơ̆ng bruă ƀuôn sang čar Lâm Đồng bi mklă leh hdră mdei ngă Kơiăng khua Anôk bruă sang čư̆ êa čar Lâm Đồng hŏng Phạm S./.