Jih 5 krĭng anei dôk hlăm krĭng knông lăn, krĭng taih kbưi mơ̆ng čar Lâm Đồng. Mâo: Krĭng mplĕ hră mrô 37, să Dak Wil (Kđông kahan răng mgang knông lăn Nậm Na lehanăn Kđông kahan răng mgang knông lăn Dak Ken); Krĭng mplĕ hră mrô 20, să Thuận An (Kđông kahan răng mgang knông lăn Dak Dam);

Krĭng mplĕ hră mrô 21, să Thuận An (Kđông kahan răng mgang knông lăn Dak M’Bai); Krĭng mplĕ hră mrô 19, să Thuận Hạnh (Tiểu đoàn Mjuăt bi hriăm – Bi kdơ̆ng mjêč 1); Krĭng mplĕ hră mrô 18, să Hàm Tân (Tiểu đoàn Mjuăt bi hriăm – Bi kdơ̆ng mjêč 2). Bruă mkŏ mjing klei mplĕ hră hnưm 1 hruê mkă hŏng hruê ruah khua kluôm mơ̆ng ala čar kñăm rơ̆ng klei dưi ruah khua mơ̆ng mnuih ƀuôn sang, knuă druh, lĭng kahan dôk mă bruă klam ti krĭng knông lăn, krĭng taih kbưi mơ̆ng čar Lâm Đồng.