Truh ară anei, Knơ̆ng bruă sang čư̆ êa čar Lâm Đồng ba mdah 159 hră mơar gĭr gai mơĭt kơ 124 să, ƀuôn hgŭm, ktrâo lač klă klơ̆ng grăp bruă, rơ̆ng klei sa ai, djŏ mơ̆ng Gưl dlông lehanăn păt čiăng jih bruă dưi rơ̆ng ngă leh êlâo kơ wưng kčah. Dŭm anôk thơ̆ng kơ bruă mtrŭt mdid\ hdră mlih mrô, ba yua kdrăp mrâo hlăm klei hưn kơ hdră ruah khua. Hdră kđăm mkra hră mơar mkăp kơ klei ruah khua mâo hluê ngă mjêč, klă.

Anăn phung mgơ̆ng ruah hluê grăp êpul ruah khua, bruă mă, klei hdĭp klă čŭn lehanăn 20 mta hră mơar djŏ tuôm hŏng êbeh 6,6 êklăk pŏk hră mâo kđăm mkra, mkăp kơ 124 să, ƀuôn hgŭm hlăm čar. Knơ̆ng ksiêm dlăng bruă knuă čar Lâm Đồng mkŏ mjing leh adŭ mjuăt bi hriăm kơ dŭm êpul ruah khua alŭ wăl lehanăn dôk mjuăt bi hriăm kơ 2.301 Êpul ruah khua./.