Leh mâo hdră mtrŭn mơ̆ng Anôk bruă sang čư̆ êa čar, dŭm thŭn êgao, anôk bruă hiu čhưn ênguê ngă lŏ hma čar Lâm Đồng bi hgŭm hŏng dŭm êpul djŏ tuôm nao ksiêm bi mklă lehanăn tŭ yap 33 anôk hiu čhưn ênguê ngă lŏ hma. Khă snăn, kyua tlă anăp hŏng lu klei gun kpăk djŏ tuôm kơ klei kčah mtrŭn mơ̆ng hdră bhiăn, ngă kơ bruă hiu čhưn ênguê hdră lŏ hma ti Lâm Đồng tuôm hŏng lu klei dleh dlan.

Blŭ ti knăm anei,  Phạm S, Kơiăng khua Anôk bruă sang čư̆ êa čar Lâm Đồng mñă: Čiăng mtrŭt mđĭ hdră hiu čhưn ênguê lŏ hma đĭ kyar hĭn hlăm wưng ti anăp, čar dôk gĭt gai dŭm anôk bruă djŏ tuôm čih mkra hdră ba yua lăn lu mta kñăm kơ bruă hiu čhưn hdră lŏ hma mbĭt anăn brei mâo klei kčah mtrŭn klă klơ̆ng, mâo anôk bruă djŏ tuôm bi mklă. Bruă anei brei hluê ngă kjăp Hdră bhiăn Lăn ala thŭn 2024 lehanăn dŭm klei kčah mtrŭn djŏ tuôm./.