Hdră anei pia klah čŭn jing “Tick mtah bruă klam” mơ̆ng ƀuôn prŏng Hồ Chí Minh ngă mơ̆ng mlan 3/2024.  Mta kñăm mđing truh kơ bruă mkra mjing mnơ̆ng dhơ̆ng jăk, hơĭt kjăp hŏng klei bi knăl hlăm anôk mnia mblei hluê si hdră bhiăn čŏng pô, klă mngač leh anăn ênuah ênô. Klei kƀĭn trông mñă klă, hdră mâo leh klei sa ai, klei bi myuôm mơ̆ng dŭm anôk bruă dưn yua bruă ksiêm dlăng hnơ̆ng tŭ jăk, leh anăn dlăng anei jing klei găl mđĭ kyar anôk mnia mblei, mđĭ ai bi ktưn.

Truh kơ ară anei, hdră mâo leh 8 anôk čhĭ hliê, sang čhĭ mnia prŏng mrô sa hlăm lăn čar tŭ ư, nao êlâo hŏng bruă klam ktrâo atăt phung nao hgŭm. Wưng anei, ƀuôn prŏng Hồ Chí Minh, dŭm čar Lăn Dap Kngư leh anăn 8 anôk čhĭ hliê bi klă klei kuôl kă ksiêm dlăng hnơ̆ng tŭ jăk mnơ̆ng dhơ̆ng. Hlăm anăn, dŭm čar Lăn Dap Kngư mâo bruă klam đru kơ dŭm knơ̆ng bruă nao hgŭm “Tick mtah bruă klam”, mkăp brei mnơ̆ng dhơ̆ng tŭ jăk kơ phung čhĭ mnia.