Hrue mbrue 6/10, klei bi kƀĭn tal 8 Êpul kiă kriê bruă Đảng gưl dlông gưl 13 čhuang hlăm hrue mă bruă tal 5. Aguah, Êpul khua kiă kriê bruă Đảng ngă bruă hlăm sang bi kƀĭn čiăng bi trông kơ bruă ksiêm wĭt 15 thŭn hlue ngă hdră mtrŭn mơ̆ng Êpul khua kiă kriê bruă Đảng gưl 10, kơ bruă mkŏ mjing êpul mnuih thâo mbruă pioh kơ klei mđĭ kyar tuh tia, mđĭ kyar lăn čar ênuk mrâo mrang. Trương Thị Mai, Khua kiă kriê êpul bruă Đảng gưl dlông bi ala kơ phŭn bruă kđi čar, kiă kriê klei bi kƀĭn.

Ti anôk ngă bruă aguah, Êpul khua kiă kriê bruă Đảng gưl dlông lŏ ruah mdưm leh Lê Hoài Trung, khua ngă bruă hŏng tač êngao mơ̆ng êpul bruă Đảng, đĭ ngă khua kiă kriê êpul bruă Đảng gưl dlông gưl 13. Tlam, Êpul kiă kriê bruă Đảng gưl dlông mă bruă hlăm êpul, trông čhai kơ bruă ksiêm wĭt 20 thŭn hlue ngă hdră mtrŭn mơ̆ng Êpul khua kiă kriê bruă Đảng gưl IX kơ bruă mđĭ hĭn klei thâo bi mguôp jih jang djuê ana kyua mnuih ƀuôn sang mdrŏng sah, lăn čar ktang kjăp, yang ƀuôn mtăp mđơr hnŭk êngiê, kreh dhar./.