Êpul ba mbĭt êbeh 42 tôn kdrăp yua leh anăn mnơ̆ng dhơ̆ng kñăm rơ̆ng kơ êpul mâo ênŭm klei găl hluê ngă bruă klam, čŏng pô mkăp brei hlăm wang 1 mlan.

Bi ala kơ knơ̆ng gĭt gai lĭng kahan gưl dlông, Khua gĭt gai Phŭn bruă lĭng kahan, Thượng tướng Nguyễn Tân Cương, Khua đru kčĕ bruă lĭng kahan yang ƀuôn Việt Nam, k’iăng khua phŭn bruă lĭng kahan pah mni leh ai tiê čŏng pô, mgaih msir klei dleh dlan, gĭr hluê ngă tŭ jing djăp bruă klam mơ̆ng djăp anôk bruă djŏ tuôm, boh  nik jing 76 čô knuă druh, lĭng kahan thơ̆ng kơ bruă hlăm êpul đru dŏng mơ̆ng lĭng kahan. Hluê si Thượng tướng Phạm Văn Tỵ, mĭn tĭng tlam mmăt mbruê, êpul srăng truh ti turki leh anăn mjêč hluê ngă bruă klam.