Mlam mmăt 18/5, ti wăl tač Ba Đình (Hà Nội), mkŏ mjing mdah kdŏ muiñ mâo anăn: “Ñu jing Hồ Chí Minh”, mâo phung khua kiă kriê bruă Đảng, knŭk kna nao tinăn. Hdră mkŏ mjing mâo 3 mta bruă: “Nguyễn Sinh Cung - Nguyễn Tất Thành” lač kơ knhuah hdĭp; “Nguyễn Ái Quốc - Hồ Chí Minh” lač kơ bruă duah êlan sua wĭt klei êngiê kơ lăn čar, mkŏ mjing Đảng; kdrêč knhal tuič jing mpŭ mni kơ cách mạng lehanăn wưng mlih mrâo, ñu kma.

Jih jang hdră mdah mâo mprăp hŏng klei ƀhĭ klĭ bi mguôp hŏng kdrăp mdah 3D ênuk mrâo, bi êdah lu mta kñăm jăk. Mơ̆ng klei mdah kdŏ muiñ anăn, hưn mdah klei mpŭ mni kơ khua kiă kriê hing ang, pô jhŏng ktang kơ djuê ana, pô mâo hdră êlan mjuăt bi hriăm jăk kơ knhuah cách mạng, knhuah mngač mơ̆ng Hồ Chí Minh truh hŏng jih jang mnuih ƀuôn sang, boh nik hŏng hđeh gưl mrâo./.