Lữ đoàn Đặc công bộ 198 kđông kahan ti să Hoà Đông, kdriêk Krông Pač, čar Dak Lak. Dŭm thŭn êgao, mbĭt hŏng bruă hluê ngă tŭ kdlưn bruă klam kđi čar – lĭng kahan, Lữ đoàn lŏ hluê ngă tŭ dưn hdră đru čung ba mnuih ƀuôn sang. Mơ̆ng thŭn 2021 truh kơ ară anei, êpul mkra leh 13 boh sang ƀĭng kahan, 14 boh sang khăp čiăng, 9 boh sang hgŭm mguôp lehanăn 2 boh sang hră kơ bruă sang čư̆ êa lehanăn mnuih ƀuôn sang ti anôk jưh kđông, hŏng ênoh 5 êklai 610 êklăk prăk.

Êngao anăn, êpul lŏ đru 10 ton braih kơ mnuih ƀuôn sang, dŭm pluh hruê anei mă bruă mkra êlan, knơ̆ng mbông êa, hrui êmiêt mnơ̆ng lŏ hma, mkŏ mjing lu gưl mbha êa drao kơ êbeh 7 êbâo čô mnuih. Dŭm bruă ngă klă sĭt mơ̆ng Lữ đoàn Đặc công bộ 198 ti Dak Lak amâo djŏ knŏng đru mguôp hŏng alŭ wăl ngă jăk hdră đru kơ ala ƀuôn, ƀiădah lŏ đru mjuăt bi hriăm knhuah cách mạng kơ phung hđeh, ksŭl mbŭ klei khăp kơ ala čar, bi kjăp klei hgŭm mguôp lĭng kahan hŏng mnuih ƀuôn sang./.