Lu phung khua kiă kriê čar Gia Lai mgơ̆ng ruah pô bi ala Êpul gơ̆ng bruă ƀuôn sang čar
Thứ năm, 09:23, 26/02/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Anôk bruă kiă kriê klei ruah khua čar Gia Lai mtrŭn leh klei bi mklă ênoh phung mgơ̆ng ruah mâo 138 čô mnuih djăp ênoh čuăn mgơ̆ng jing pô bi ala Êpul gơ̆ng bruă ƀuôn sang čar wưng păn bruă 2026–2031.
Phung mgơ̆ng ruah mâo mbha hlăm djăp krĭng, dưi ruah mơ̆ng 18 êpul bruă ruah khua, kñăm čiăng ruah bi mâo 85 čô pô bi ala Êpul gơ̆ng bruă ƀuôn sang čar gưl 13. Hlăm phung mgơ̆ng ruah anăn, mâo lu phung khua kiă kriê hlăm čar Gia Lai. Msĕ si Phạm Anh Tuấn – Khua knơ̆ng bruă sang čư̆ êa čar, Rah Lan Chung – Khua êpul gơ̆ng bruă ƀuôn sang čar. Hlăm ênoh anăn, mâo lu mơh mnuih djuê ƀiă msĕ si djuê ana Jarai, Bahnar, Hrê; lehanăn phung khua kiă kriê klei đăo, djăp lu êpul bruă bi ala brei kơ mnuih ƀuôn sang.
Hlăm ênoh 138 čô hrŏng ruah mâo dăp leh anăn djŏ hŏng hdră mtrŭn. Ară anei bruă ruah khua ti Gia Lai hlăk dôk ngă hŏng klei jăk. Kluôm čar mâo 2.179 anôk mplĕ hră, pioh kơ 2,58 êklăk čô mnuih nao ruah./.
Viết bình luận