Ti čar Kon Tum, 2 hruê 24, 25/12, mnuih ƀuôn sang hluê đăo hơ̆k m’ak drông Knăm Noel lehanăn čang hmăng thŭn mrâo 2023 êđăp ênang, yâo m’ak. Čiăng kơ Knăm Noel dưi mkŏ mjing êđăp ênang, dŭm boh Sang Aê Diê ti Kon Tum bi hgŭm hŏng bruă sang čư̆ êa alŭ wăl rơ̆ng kjăp klei êđăp ênang.

Ti dŭm Sang Aê Diê, anôk kkuh ti Kon Tum msĕ si: Sang Aê Diê kyâo, Sang Aê Diê khop Tân Hương, Sang Aê Diê khop Phương Nghĩa… jing anôk mâo lu mnuih nao dưi rơ̆ng kjăp klei êđăp ênang. Bi trông hŏng phung khua alŭ wăl, dŭm êpul bruă nao čuă čhưn, h’êč hmưi leh Knăm Noel, Khua kiă kriê Anôk bruă klei đăo Khop Kon Tum Nguyễn Hùng Vị bi êdah ai tiê hrăm mbĭt hŏng djuê ana, hŏng lăn čar mơ̆ng dŭm Anôk bruă klei đăo Khop Kon Tum lehanăn mnuih hluê đăo.

Ti Gia Lai, mlam hrue 24-12 lehanăn hrue 25-12, phung đăo Khop lehanăn Klei mrâo mrang jăk ti čar Gia Lai mkŏ mjing leh klei drông Noel thŭn 2022 hŏng klei mơak.  Ti ƀuôn prŏng Pleiku, ai êwa drông mơak Noel ti dŭm alŭ wăl phung đăo Khop bi hŏng klei mơak, msĕ si krĭng đăo Thăng Thiên (ƀuôn hgŭm Tây Sơn), krĭng đăo Thánh Tâm (ƀuôn hgŭm Phù Đổng), krĭng đăo Mẹ vô nhiễm (ƀuôn hgŭm Hoa Lư), krĭng đăo Đức An (ƀuôn hgŭm Ia Kring). Phung đăo nao bi kƀĭn mơak mñai. Leh dŭm thŭn hmăi amâo mâo jăk mơ̆ng klei ruătưp , thŭn anei ƀuh klei mkŏ mjing mơak Noel jăk hĭn êđăp ênang. Ênoh mnuih nao kƀĭn, hiu hlăp mơak noel lu hĭn, bruă răng mgang klei êđăp ênang êlan klông, lehanăn yang ƀuôn mâo hyuă kjăp. Hlăm wưng anei brúang čư̆ êa, bruă mặt trận lehanăn jih jang êpul êya hlăm čar bi nao čuă hơêč hmưi mơak Noel kơ jih jang sang Aê Diê Khop lehanăn Klei mrâo mrang jăk./.