Hdră bruă duh bi liê mkŏ mjing êlan Hồ Chí Minh kdrêč êlan nah Ngŏ ƀuôn prŏng Ƀuôn Ama Thuôt, čar Dak Lak mâo ênoh bi liê êbeh 1.500 êklai prăk, găn dŭm kdriêk Čư̆ Mgar, Čư̆ Kuiñ, Krông Pač leh anăn ƀuôn prŏng Ƀuôn Ama Thuôt. Wưng hlue ngă hdră bruă mơ̆ng thŭn 2020 truh jih thŭn 2023. Hdră bruă mâo hnơ̆ng hdră bruă êlan klông gưl II, boh dlông giăm 40 km, hnơ̆ng êran  80km/h.

Truh ară anei hdră bruă mrâo ba jao anôk ala mâo 60% ƀiădah jih leh prăk bi liê ruh mgaih anôk ala leh anăn hlue si klei tĭng yap mâo thiăm 332 êklai prăk čiăng bi leh anăn hdră bruă anei. Hdră bruă anei ăt lŏ dơ̆ng êmưt, amâo dưi ngă djŏ wưng kčah leh hlăm knhal jih thŭn 2023, Phŭn bruă êlan klông dŭ mdiăng mtă kơ Khua dlăng bruă Đảng čar leh anăn Khua Knơ̆ng bruă sang čư̆ êa čar Dak Lak ksiêm dlăng mâo klei bhiăn mdê hjăn hlăm bruă msir mgaih bruă klam mơ̆ng pô gĭt gai hŏng Anôk bruă kriê dlăng hdră bruă bi liê mkŏ mjing hdră bruă êlan klông leh anăn bruă lŏ hma mđĭ kyar krĭng ƀuôn sang Dak lak (pô duh bi liê)./.