Mđĭ hdră bi hgŭm bruă lĭng kahan Việt Nam -Cuba
Thứ tư, 08:21, 25/10/2023
VOV Tây Nguyên
VOV Tây Nguyên
VOV4.Êđê-Aguah mbruê (24/10), ti Anôk bruă Phŭn bruă lĭng kahan, Thượng tướng Nguyễn Tân Cương, Khua Knơ̆ng đru kčĕ Êpul kahan yang ƀuôn Việt Nam, K’iăng khua Phŭn bruă lĭng kahan gĭt gai leh Knăm drông lehanăn bi trông hŏng Êpul khua đru kčĕ dŭm knơ̆ng bruă lĭng kahan djă phao ktuang krŭ kdơ̆ng Cuba mâo Thượng tướng (Roberto Legrá Sotolongo) Khua knơ̆ng đru kčĕ, K’iăng khua phŭn bruă dŭm êpul kahan phao ktuang krŭ kdơ̆ng Cuba mâo gưl hriê čhưn Việt Nam mơ̆ng hruê 19 - 28/10/2023.
Ti knăm anei, dua tĭng tĭng dlăng leh hdră bi hgŭm bruă lĭng kahan plah wah dua ala čar mâo dŭm ênuk phung khua kiă kriê Việt Nam lehanăn Cuba mđing dlăng, jing sa hlăm dŭm boh kdrŭt yuôm bhăn hlăm klei bi mjĕ mŏng dua ala čar, đru krŏng kjăp boh tŭ hdră krŭ kgŭ kdơ̆ng, djŏ hŏng klei čiăng lehanăn klei găl mâo mŏng grăp ala čar.
Hlăm wưng ti anăp, mtă dua tĭng lŏ pŏk ngă kjăp Hdră kčah Bi hgŭm bruă lĭng kahan wưng thŭn 2023- 2025; Pŏk ngă tŭ dưn hdră bi hgŭm hlăm bruă lĭng kahan djŏ hŏng klei čiăng, klei dưi lehanăn klei găl mơ̆ng grăp tĭng./.
Viết bình luận