Khua gĭt gai Đảng Tô Lâm brei thâo, mơ̆ng tur knơ̆ng bi hgŭm mơ̆ng đưm jăk siam, hŏng boh tŭ kjăp mâo leh, thâo săng leh anăn hdơ̆ng đăo knang, kah mbha lu kơ klei msĕ klei găl leh anăn klei mđing tal êlâo, ăt msĕ mơh hnơ̆ng trah dlăng kơ klei êđăp ênang, mdrŏng sah, mđĭ kyar kjăp ti krĭng wăl, khua gĭt gai dua ala čar hơ̆k mơak hưn mđĭ klei bi hgŭm Việt Nam -Indonesia jing Ƀĭng hgŭm - Hdră bruă kluôm.

Bruă Việt Nam -Indonesia mkŏ klei bi hgŭm Hdră bruă kluôm jing gru kruăk knăl hƀuê ênuk, pŏk ênuh mrâo kơ klei bi hgŭm plah wah dua ala čar hlăm jih jang hdră, ba klei bi hgŭm ƀrư̆ êlam, klă sĭt, tŭ dưn, kyua klei tŭ dưn mơ̆ng mnuih ƀuôn sang dua ala čar, đru kơ klei êđăp ênang, hơĭt kjăp, bi hgŭm leh anăn đĭ kyar ti krĭng wăl leh anăn dlông rŏng lăn. Khua mil čhil Indonesia Prabowo Subianto ăt bi êdah klei čang hmăng dưi drông Khua gĭt gai Đảng Tô Lâm hŏng êpul bi ala gưl dlông Việt Nam nao čhưn. Ƀri gưl anei, dua tĭng mđĭ leh klei bi hgŭm jing Ƀĭng Hgŭm Kluôm.